Harðfiskverkunin var stofnuð 1985 af Finnboga Jónassyni. Hert er ýsa, steinbítur, þorskur og lúða.  Harðfiskurinn okkar hefur verið þurrkaður eftir aldagamalli hefð í hjöllum í Vestfirsku sjávarlofti frá upphafi.

Fyrstu árin var allt hert í hjalli á Eyrarhlíð sem enn er í notkun, en seinna var keyptur stór hjallur í Arnardal þar sem megnið af fiskinum er þurrkað í dag.

Öll framleiðslan er hjallþurrkuð, ekkert er inniþurrkað og er hengt á hjall frá mánaðamótum sept- okt og fram að mánaðamótum apríl – maí, fer það nokkuð eftir veðri. Einungis er hengt upp í köldu veðri, svo bestu gæðum sé náð.
Fullur af prótíni, snauður af fitu og kolvetnum.  Náttúrulega hrein afurð stútfull af hollustu.