Góð ýsa getur verið hrikalega góð. Sérstaklega þegar hún er pöruð með íslensku smjöri. Á haustin þegar ný harðfiskvertíð byrjar hjá okkur, flökum við alltaf fyrst ýsu. Síðan bíðum við eftir fyrsta samfellda frostakaflanum. Biðin getur verið löng en þegar veðurspáin sýnir okkur það sem við viljum sjá, þá hengjum við á hjall. Þegar vel tekst til eftir 5-6 vikur á hjalli er ýsan orðin skjanna hvít. Að verka harðfisk á náttúrulegan hátt er svipað og að vera vínbóndi – þú ert alfarið háður veðrinu sem á endanum ræður gæðum vörunnar.
